Skip to main content

Walderdbeeren auf besondere Art

Vergangene Sommer iss a Moh
en Wald of Erdbeer gestusse,
ei denkt ’r, do iss öbbers dro,
alles schünne grusse!
Da mach ich meiner Fraa a Fröd,
die söll sich heut moal wonner,
er tut sei Schnupftuch raus,
zerrt’s brät, on zopft die grusse ronner.

On später, wie die Fraa derhemm,
noachdem der Moh woar komme,
das Schnupftuch mit die Beer hot gesänn,
do woar die Fröd genumme.

„Moh“, sött die Fraa, „wos fällt dir ei,
mer tut doch nie un nimmer,
so öbbes in sei Schnupftuch nei –
mit dir wärd´s a ömmer schlimmer.“
„Och“, mähnt da der Moh, „mach kä Gemähr,
on sei doch nett so eckich –
s must doch so wie so gewösche wär,
s woar vürhär schu goar dreckich!

Von Herrn Otto Eberhardt aus Themar zur Verfügung gestellt
Skip to content